Tor Kvarv la bájkálasj dájddár, bájkálasj ja regiåvnålasj værmádagájn, ja dåbddå stádav ja jur dáv guovlov buoragit. Kvarvan li vuosádusá sihke bájkálattjat ja nasjåvnålattjat, ja la álgadiddje sahtediedalasj dájddahiståvrålasj lågådallamijs ma Bådådjon, Stoarmmo girjjevuorkán, ásaduvvin. Suv dájdda ja hábbmimvuohke hiehpá dokumentáralasj lahkanibmáj, sæmmi båttå gå dájdan la guoradalle ja miellagiddis lahkanibme luondulasj væráldij.

Tor Kvarv la åvddåla hábbmim ietjas Wunderkámmarav (oavdduhibmekámmar), ma vuosedi Europa renessánssaj ja tjuovggidusájggáj, gånnå vuorjjás, geldulasj jali árvulasj gávne, sihke luondulasj ja ulmutjijs dagádum, åvddånbuvteduvvin dájddakámmarin. Dán rájdon la Tor Kvarv barggam elementaj sihke girddijs ja låttijs, ja dajt aktidam oavddodájddaj, hábbmiduvvam suohtastallamijn ja duohtadiedoj vuodon. Tor Kvarv tjuorggamij baktu oattjo assosiasjåvnåv gåktu ilmmemannulahka l ájgij tjadá arvusmahtedum låttijs ja ilmmeiellemis. Ulmutja li vuorbástuvvam ilmev validit gå li moattedam ja buojkulvisájt viedtjam låttij hámes, labudallamis ja navigerimmáhtukvuodas. Låttij harmmis máhtukvuohta hiebadahttet fysihkalasj ja areodynamalasj lágaj gáktuj, la lájddim teknologijjalasj ja elektråvnålasj åvddånimev. Mij guosská navigasjåvnnåj, de låttijn vilá l buorep máhtukvuohta gå girdde ma li alemus dásen.  

Tjuorggama suohtastallama baktu guddnedi dåbdos girddijt ma li Bådådjo girddesaljon læhkám.