Ådå girddesaljobiggim buktá sierralágásj máhttelisvuodav barggat dájdalasj buktagij, guhkes ájggegávdan ja vijdes geografijjalasj doajmmaguovlojn. Ådå stádaguovllo, Hierggenjárgga, buktá åvddånahttemareálajt boahtte 100 jahkáj ruoptus Bådådjo suohkanij. 

Dán prosjæktaoasen hálijdip guoradallat máhttelisvuodav åvddånahtátjit bájkkedájddaprosjevtav (Land art), stuoráp dájdalasj buvtadimev, juogu dal girddesaljotsiekkadusán, ådå stádaguovlon jali goappátjij bájkijn.

Gå ådå girdádahka ja stádaguovlo tsieggiduvvi, galggi sieldes ållo biggimábnnasa sirdeduvvat. Ednam galggá bávkeduvvat, ja dievdeduvvat merraj. Tsieggimbarggo juo duodastuvvá Avinora kanálaj baktu. 

Bájkkedájdda máhttá stádaj ja suohkanij sjaddat attraksjåvnnån mav ilmes vuojná, girdde sæjvvoma jali låptijdime baktu. Máhttá midjij vaddet låddeperspektijvav duobddágis mij la rievddamin.