KORO (kunst i offentlig rom, Kultuvrradepartementa etáhtta) la ruhtadam Girddelådde-prosjevtav – dájdda Hierggenjárgga åvddånahttembargon. Girddelådde gåhttju dájddárijt, dájddafágalasj konsulentajt ja kuratåvråjt oassálastátjit Hierggenjárga åvddånahttembargguj. 

(Prosjevta visjåvnnå) "Dájdda histåvrråsubtsastiddjen ja identitiehttavuosediddjen ådå stádaguovlon"

KORO ruhtadibme 

KORO e dåssju stuoráp institusjåvnåjt stuorámus stádajn doarjo, valla aj dájdav duon dán prosjæktaj ålles rijkan. Bájkálasj sebrudakårnik galggá arvusmahttet diehtemvájnnuj, tjadádibmáj, vádáluojvvuj, aktisasjbargguj ja valljudahkaj vuona bájkálasj sebrudagájn ja suohkanijn.

Dálla l ájggeguovddel ja ájnas friddja dájdalasj åvddånbuktemijn vuona almulasjvuodan. Mij doajvvop dájddára máhtti oassálasstet Bådådjo stuorra rievddadusprosessaj, sihke stádaåvddånahttemij ja gudi Bådådjo viesáda boahtteájge galggi liehket. Vuojnnep moadda buojkulvisá gå dájddára sæbrri økonomijjalasj, sosiála ja kultuvralasj árvvoháhkuhibmáj, ja kvalitiehtav bájkálasj åvddånahttemprosjevtaj nanniji. 

Bådådjo suohkan la vuosedam ájggomusáv láhtjet dilev dájddárij oassálasstemij, ja dajna KORO moaddi maŋemus jagijt la juollodam viehka ållo dårjav suohkanij. 

Truls Ramberg – KORO bájkálasj sebrudakårniga kuratåvrrå ja dåmadiddje

Kultuvrraoajvvestádajahke, Bådåddjo 2024, vaddá Girddelådde-prosjæktaj máhttelisvuodav nasjåvnålattjat ja rijkajgasskasattjat åvddånbuktet, suohkana dájda ja kultuvra ájggomusáj milta.

Prosjevta birra 

Bådådjon la akta dajs stuorámus stádaåvddånahttemprosjevtajs jådon Vuonan. Ådå stáda - ådå girddesalljo merkaj 2900 dekára areála stáda guovdátja lahkusin la biejadum stádaåvddånahttemij, Nato-bása unnedibmáj, ja udnásj sivijla sejvudahka galggá 900 miehtera sirdeduvvat. Ådåjakmáno 2024 AVINOR bargujn álggin, ja duobddága oarjjealusjbiele gietjen bávkkalimijn, jalggimijn, merradievddemijn ja ietjá areállarievddadimij baktu åbbålattjat rievdaduvvá. Jagen 2029, gå ådå girdádahka Bådådjon gárveduvvá, de suohkan udnásj girddesaljoguovlon álgadi åvddånahttemav ådå stádaguovlos, Hierggenjárgga. 

Dájddárijt sebrudahttet juo árrat prosjevtan, la suohkanin ájggomus: 

1. sebrudahttet estetihkalasj ja sjuggelis fágajt stádaplánimin, ja vaddet guovdásj rållav barggohámijt ja barggovuogijt defineritjit

2. gaskostit árvojt, plánajt ja visjåvnåjt dájddo ja visuála vuogij baktu gå galggi sebrudahttet viesádijt, rabásvuodajn barggat, vuojnojt buktet åvddån ja moattevuodav sebrudahttet

3. oahpásmuvvat sjávodis subttsasijda Hierggenjárga birra ja dajt gaskostit udnásj stádaåvddånahttemij, bájkkeidentitiehttaj ja oajvvadusájda boahtteájge stádaj

4. oassálasstet rijkajgasskasattjat, innovasjåvnåj ja buorre tjoavddusij baktu jåksåt suohkana dálkádak- ja birásulmev